V A N D E R L I N D E N

Einde van 2012 is in sig... Alweer 'n jaar verby; die tyd vlieg.  In die tyd nadat Herman sy werk verloor het en hy begin het om Axact Accounting op te bou, was die gebrek aan kollegas en die kontak met medewerkers vir hom 'n groot gemis.  In November 2011 het hy deur verwysing by 'n besigheid in Durbanville uitgekom.  Hierdie besigheid was in groot moeilikheid as gevolg van die bedrog en oneerlikheid van hul belasting-konsultant.  Herman kon daarin slaag om die moeilikheid op te klaar, die boetes en rente wat SARS gehef het, gekanselleer te kry en die besigheid op gesonde voet met die belastingdienste te kry.  Hieruit het 'n kontrak en samewerking gegroei.  Iets waarvoor ons baie dankbaar is; dit bring 'n vaste inkomste elke maand. Dit het ook op kollegiale vlak gegroei en so is ons as paartjie na die besigheid se jaar-eind-funksie genooi.  En nie net sommer 'n funksie nie, 'n naweek!  Die besigheid het die afgelope jaar baie gegroe...

Red die bos! Dit was die naam van die gr. R'e van 2012 se konsert.  Die storielyn vertel hoe die houtkapper die bome afsaag sonder om te dink aan die eekhorinkies of die voëltjies wat in daardie bome woon.  En hy dink ook nie aan die eendjies wat nie in die dam kan swem as daar nie koeltebome is om hulle koel te hou teen die brandende son nie.  Die prinses en die feetjie is baie bekommerd oor hierdie toedrag van sake en roep 'n bos-vergadering byeen.  Die houtkapper is te bang om te kom... Dan kry die diere 'n plan en die twee kwaai bere word gestuur om die houtkapper te vang. Die bere vang die houtkapper en vertel vir hom mooi waar Dawid die wortels begrawe het... Die houtkapper stem toe om nie bome af te saag waarin daar diertjies of voëltjies woon nie.  En so kan die diere saam met die houtkapper fees vier want die vrede het teruggekeer na die bos! In die rol van een van die kwaai bere:  Xander van der Linden.  Hy het sy rol met oorgawe gesp...

Kleinmond... hier kom ons! Dit is sekerlik wat die 22 jongmense geskree het toe hulle Saterdag 24 November by die skool wegry.  Veldskool in Kleinmond, dit was die hoogtepunt waarna die graad 6 en 7's van GLB uitgesien het.  En uiteindelik was die eksamen verby en kon die veldskool maar begin. Veldskool, soos die woord sê, is skoolgaan in die veld.  In Kleinmond en omgewing beteken dit dat die fynbos en die getypoele bestudeer word.  Fynbos is baie uniek hier in die Wes-Kaap en oom Sjirk Geerts het baie om hieroor te vertel.  Deel hiervan is die raaksien van klein diertjies en insekte wat die fynbos hul habitat noem. Getypoele is weer die fauna en flora van die see.  Die leerders het in totaal 119 spesies raakgeloop en geïdentifiseer.  Hulle het meneer Erik goed besig gehou! Maar skool-skool het darem ook tyd vir pret en plesier. daarom is dit ook so op veld-skool:  sandkasteel-bou-kompetisie, latern-bekruip, rangers and poachers, en somme...

Ons liewe Oumagrootjie, sy was sterk volgens Ps 90...   Ouma(grootjie) mog 91 jaar oud word.  Laasjaar mog sy haar 90ste verjaarsdag vier.  Haar kinders van Nederland en Kanada was hier om dit saam te vier.  Ouma se nageslag het toe reeds 103 getel.  Ek kon dit - danksy die wonderlike tegnologie van digitale fotografie en internet - vir ouma in 'n boek saamstel.  Hierdie boek was die laaste 13 maande van ouma se lewe, haar trots.  Sy het so graag met haar kinders, kleinkinders en agterkleinkinders gespog.  Vir elkeen was sy lief ongeag die foute en gebreke wat daar ook was.  Vir elkeen het sy 'n goeie woord gehad; sy het eintlik nie die begrip "aangetroud" of "skoon(seun/dogter)" geken nie.  Jy was haar kind / kleinkind en basta met "skoon-" of aangetroud.    Na die opstel van die boek, mog 3 agterkleinkinders by die getal gevoeg word.  En net voor ouma se sterwe, mog sy hoo...

  Sewentig... dit moet gevier word!   Op 10-11-12 mog ons Ma se 70ste verjaarsdag vier.  Hoe doen 'n mens dit dan? Dit was nie moeilik nie...  J begin met uitgebreide ontbyt van eie keuse saam met vriendinne by Klein Joostenberg:   Links bo en onder: French toast en Roereier met Franschhoek salm. Middel: Tuisgemaakte granola en plaas yoghurt Regs bo en onder: Gevulde omelet en gevulde croissant Ons kon heerlik buite sit, 'n mooier dag kon ons nie vra nie! Gwen bekyk haar bestelling van French toast... Christine het die croissant aangedurf! Daarna is dit tyd vir braai met familie, ons het dit maar by ons huis gedoen, dan kon die kinders lekker swem en hulself met hul eie dinge besig hou terwyl die grootmense op die stoep kuier. Torinkie in die swembad:  Herno, Wicus en Xander... kyk hoe lekker skyn die son nog! Gelukwense en geselligheid op die stoep. Oom Jaap het spesiaal uit Holland k...

Karalie Karool 2012   Gister was 'n besonderse dag.  Gistermiddag het ons oumagrootjie begrawe.  Dit was die laaste ding wat ons nog vir haar kon doen, alhoewel dit haar waarskynlik onaangeraak gelaat het - sy is TUIS.  Sy is gelukkig.  Sy is veilig.   Na die begrafnis en 'n baie mooi, roerende diens, het ons net vir 'n oomblik of wat huis toe gegaan - eintlik net lank genoeg dat ons aktrise (lees drama queen) haar kostuum kon aantrek.  Vir die eerste deel van die speelgroepie-konsert was sy die koei, daarna het sy gou van die verhoog af geglip en 'n gedaanteverwisseling ondergaan  (geheimpie, sien later...)   Oumagrootjie was vir jare deel van ons lewe as gesin - sy het 6 jaar in die woonstel agter op die erf gewoon.  En in daardie 6 jaar het sy heelwat meegemaak wat Karalie Karool Speelskool betref - ook heelwat konserte!  Daarom voel dit half gepas (al klink dit dalk vreemd) dat ons nou ook ons laaste Karalie Ka...

Ons kinders hou van die Bybelteks: wie eerste is, sal laaste wees...   Natuurlik is dit heeltemal uit verband uit geruk :-), maar almal met opgroeiende kinders in die huis, sal weet dat dit tog baaaie belangrik is om die "pecking order" vas te stel. En watter beter hulpmiddel as om 'n Bybelteks daarvoor te (mis)(ge)bruik. Iemand is maar in sekere dinge altyd eerste en iemand anders altyd laaste. Jy sal nooit van die oudste sy reg om "eerste kind" te wees, kan wegneem nie. Jy sal ook nie die jongste se twyfelagtige bevoorregte posisie om "laaste" te wees, kan verander nie. Maar tussen-in lê daar 'n enorme mynveld van moontlikhede om die eerste en laaste posisie te probeer wen.   Natuurlik wil jy eerste roomys hê, tot jy agterkom mamma sien die bak is byna leeg en sy skep toe maar vir die laaste 2 bietjie meer op om dit nou maar regtig heeltemal leeg te maak.   Natuurlik wil jy laaste wees om bed toe te gaan, tot jy besef dat ...