Red die bos!
Dit was die naam van die gr. R'e van 2012 se konsert. Die storielyn vertel hoe die houtkapper die bome afsaag sonder om te dink aan die eekhorinkies of die voëltjies wat in daardie bome woon. En hy dink ook nie aan die eendjies wat nie in die dam kan swem as daar nie koeltebome is om hulle koel te hou teen die brandende son nie. Die prinses en die feetjie is baie bekommerd oor hierdie toedrag van sake en roep 'n bos-vergadering byeen. Die houtkapper is te bang om te kom...
Dan kry die diere 'n plan en die twee kwaai bere word gestuur om die houtkapper te vang.
Die bere vang die houtkapper en vertel vir hom mooi waar Dawid die wortels begrawe het... Die houtkapper stem toe om nie bome af te saag waarin daar diertjies of voëltjies woon nie. En so kan die diere saam met die houtkapper fees vier want die vrede het teruggekeer na die bos!
In die rol van een van die kwaai bere: Xander van der Linden. Hy het sy rol met oorgawe gespeel, sy vriend Matthys, die houtkapper, met durf en daad gevang en uit volle bors gebrul...
Dit was 'n oulike musiekblyspel en dit het die gr. R-jaar op hoë noot afgesluit. Ongelooflik, Xander gaan graad 1 toe! Dit beteken Jorienke gaan graad R toe... Dus vanaf volgende jaar het ons net twee skole op die rooster: GLB (Gereformeerde Laerskool Bellville) en BHS (Bellville Hoërskool). En dit is die geval vir 2013 en 2014. Daarna raak ons betrokke by tersiêre onderrig!! Tyd vlieg!
Geniet die foto's, die laaste een is van Xander by die gradplegtigheid - ja, hy het sy eerste graad agter sy naam!
Dit was die naam van die gr. R'e van 2012 se konsert. Die storielyn vertel hoe die houtkapper die bome afsaag sonder om te dink aan die eekhorinkies of die voëltjies wat in daardie bome woon. En hy dink ook nie aan die eendjies wat nie in die dam kan swem as daar nie koeltebome is om hulle koel te hou teen die brandende son nie. Die prinses en die feetjie is baie bekommerd oor hierdie toedrag van sake en roep 'n bos-vergadering byeen. Die houtkapper is te bang om te kom...
Dan kry die diere 'n plan en die twee kwaai bere word gestuur om die houtkapper te vang.
Die bere vang die houtkapper en vertel vir hom mooi waar Dawid die wortels begrawe het... Die houtkapper stem toe om nie bome af te saag waarin daar diertjies of voëltjies woon nie. En so kan die diere saam met die houtkapper fees vier want die vrede het teruggekeer na die bos!
In die rol van een van die kwaai bere: Xander van der Linden. Hy het sy rol met oorgawe gespeel, sy vriend Matthys, die houtkapper, met durf en daad gevang en uit volle bors gebrul...
Dit was 'n oulike musiekblyspel en dit het die gr. R-jaar op hoë noot afgesluit. Ongelooflik, Xander gaan graad 1 toe! Dit beteken Jorienke gaan graad R toe... Dus vanaf volgende jaar het ons net twee skole op die rooster: GLB (Gereformeerde Laerskool Bellville) en BHS (Bellville Hoërskool). En dit is die geval vir 2013 en 2014. Daarna raak ons betrokke by tersiêre onderrig!! Tyd vlieg!
Geniet die foto's, die laaste een is van Xander by die gradplegtigheid - ja, hy het sy eerste graad agter sy naam!
 |
| Matthys die houtkapper en Xander die beer, voor die houtkapper se huisie |
 |
| Die diere hou vergadering saam met die prinses en die feetjie |
 |
| Xander, die kwaai? beer |
 |
| Die diere is almal baie bly om 'n goeie oplossing vir hul probleem te kry |
 |
| Gradeplegtigheid: Matthys, Xander, Christiaan en Marike |
Comments