Einde van 2012 is in sig...
Alweer 'n jaar verby; die tyd vlieg. In die tyd nadat Herman sy werk verloor het en hy begin het om Axact Accounting op te bou, was die gebrek aan kollegas en die kontak met medewerkers vir hom 'n groot gemis. In November 2011 het hy deur verwysing by 'n besigheid in Durbanville uitgekom. Hierdie besigheid was in groot moeilikheid as gevolg van die bedrog en oneerlikheid van hul belasting-konsultant. Herman kon daarin slaag om die moeilikheid op te klaar, die boetes en rente wat SARS gehef het, gekanselleer te kry en die besigheid op gesonde voet met die belastingdienste te kry. Hieruit het 'n kontrak en samewerking gegroei. Iets waarvoor ons baie dankbaar is; dit bring 'n vaste inkomste elke maand.
Dit het ook op kollegiale vlak gegroei en so is ons as paartjie na die besigheid se jaar-eind-funksie genooi. En nie net sommer 'n funksie nie, 'n naweek! Die besigheid het die afgelope jaar baie gegroei en het alle verwagtinge (en die begroting) oortref. Om die personeel te bedank vir hul harde werk, is 'n interessante daguitstappie gereël vir die hele personeel en hul metgeselle. Die uiteinde by 'n hotel waar almal kon oorslaap voor hulle die volgende oggend huis toe gaan.
En so gebeur dit dan: Saterdag 15 Desember het ons by die kantoor in Durbanville bymekaar gekom. Hiervandaan die Vissershokpad geneem in die rigting van die Weskus. Ons eerste stop: Grote Post Wyne. Hier is 'n kort programmetjie van wynproe aangebied en het ons ons toeleier ontmoet.
Vanaf Grote Post is ons verder aan na Die Strandloper - 'n buitelug restaurant waar Vrydag tot Sondag 'n 10-gang seekos-buffet aangebied word. Van kreef tot engeltjie-vis en snoek. Gebakte patat en tuisgebakte brood. Growwe konfyt en koeksisters met moerkoffie as gang 9 en 10. Die restaurant is letterlik op die strand, die seemeeue baklei vir die koppe van die visse wat vir die gaste skoongemaak word. En die plaaslike weergawe van Johan Stemmet is aan diens: Donny met sy kitaar. Ons is vermaak met Loslappie tot Ou ryperd, die Blou Bul lied en ook sommer Elvis, Louis Armstrong en vele ander. Dit was 'n ongelooflike ervaring, die kos was lekker en die geselskap wonderlik.
Vanaf die restaurant, het ons deurgery na Shelly Point hotel. Hier het ons kans gehad om bietjie in die swembad af te koel of 'n uiltjie te knip. Half 6 het ons aangemeld vir die rolbal wedstryd. Vier spanne van 7 elk, het die stryd aangesê. Die span waarin Herman en ek was, het ons kompetisie gewen en deurgedring na die "eindrondte". Hierdie een moes in allerhaas afgehandel word en elke speler het net een bal gehad - ons het eenvoudig een rondte gespeel en gekyk watter span die naaste aan die wit balletjie kon kom. Hier het ons die stryd verloor met letterlik 'n sentimeter verskil...
Aandete was in die vorm van lekker slaai en steak en 'n gesellige kuier en samesyn. Sondagoggend was elkeen vry om te doen wat hulle wil. 'n Gesamentlike ligte middagete het die geleentheid afgesluit en ons was weer om half vier tuis.
Dankie aan Merrick, Byron, Roelof vir die geleentheid om die mense wat elke week 'n dag of selfs twee saam met my man werk, te leer ken. Dankie aan Simone wat kans gesien het om ons 5 kinders op te pas en besig te hou. Maar bowenal dankie aan ons Hemelse Vader vir bewaring op die paaie weg van huis en ook tuis.
Geniet die prentjies...
Alweer 'n jaar verby; die tyd vlieg. In die tyd nadat Herman sy werk verloor het en hy begin het om Axact Accounting op te bou, was die gebrek aan kollegas en die kontak met medewerkers vir hom 'n groot gemis. In November 2011 het hy deur verwysing by 'n besigheid in Durbanville uitgekom. Hierdie besigheid was in groot moeilikheid as gevolg van die bedrog en oneerlikheid van hul belasting-konsultant. Herman kon daarin slaag om die moeilikheid op te klaar, die boetes en rente wat SARS gehef het, gekanselleer te kry en die besigheid op gesonde voet met die belastingdienste te kry. Hieruit het 'n kontrak en samewerking gegroei. Iets waarvoor ons baie dankbaar is; dit bring 'n vaste inkomste elke maand.
Dit het ook op kollegiale vlak gegroei en so is ons as paartjie na die besigheid se jaar-eind-funksie genooi. En nie net sommer 'n funksie nie, 'n naweek! Die besigheid het die afgelope jaar baie gegroei en het alle verwagtinge (en die begroting) oortref. Om die personeel te bedank vir hul harde werk, is 'n interessante daguitstappie gereël vir die hele personeel en hul metgeselle. Die uiteinde by 'n hotel waar almal kon oorslaap voor hulle die volgende oggend huis toe gaan.
En so gebeur dit dan: Saterdag 15 Desember het ons by die kantoor in Durbanville bymekaar gekom. Hiervandaan die Vissershokpad geneem in die rigting van die Weskus. Ons eerste stop: Grote Post Wyne. Hier is 'n kort programmetjie van wynproe aangebied en het ons ons toeleier ontmoet.
Vanaf Grote Post is ons verder aan na Die Strandloper - 'n buitelug restaurant waar Vrydag tot Sondag 'n 10-gang seekos-buffet aangebied word. Van kreef tot engeltjie-vis en snoek. Gebakte patat en tuisgebakte brood. Growwe konfyt en koeksisters met moerkoffie as gang 9 en 10. Die restaurant is letterlik op die strand, die seemeeue baklei vir die koppe van die visse wat vir die gaste skoongemaak word. En die plaaslike weergawe van Johan Stemmet is aan diens: Donny met sy kitaar. Ons is vermaak met Loslappie tot Ou ryperd, die Blou Bul lied en ook sommer Elvis, Louis Armstrong en vele ander. Dit was 'n ongelooflike ervaring, die kos was lekker en die geselskap wonderlik.
Vanaf die restaurant, het ons deurgery na Shelly Point hotel. Hier het ons kans gehad om bietjie in die swembad af te koel of 'n uiltjie te knip. Half 6 het ons aangemeld vir die rolbal wedstryd. Vier spanne van 7 elk, het die stryd aangesê. Die span waarin Herman en ek was, het ons kompetisie gewen en deurgedring na die "eindrondte". Hierdie een moes in allerhaas afgehandel word en elke speler het net een bal gehad - ons het eenvoudig een rondte gespeel en gekyk watter span die naaste aan die wit balletjie kon kom. Hier het ons die stryd verloor met letterlik 'n sentimeter verskil...
Aandete was in die vorm van lekker slaai en steak en 'n gesellige kuier en samesyn. Sondagoggend was elkeen vry om te doen wat hulle wil. 'n Gesamentlike ligte middagete het die geleentheid afgesluit en ons was weer om half vier tuis.
Dankie aan Merrick, Byron, Roelof vir die geleentheid om die mense wat elke week 'n dag of selfs twee saam met my man werk, te leer ken. Dankie aan Simone wat kans gesien het om ons 5 kinders op te pas en besig te hou. Maar bowenal dankie aan ons Hemelse Vader vir bewaring op die paaie weg van huis en ook tuis.
Geniet die prentjies...
 |
| Grote Post Wyne, die wingerde is 7km ver van die wynmakery af |
 |
| Ingang na Die Strandloper, by die "voordeur" staan "Djy is welkom". |
 |
| Kreef! |
 |
| Donny, die plaaslike vermaak |
 |
| Slaapkamer van B58 by die Shelly Point Hotel en Spa |
Comments