Sedert 2006 het die graad vier en vyf-klasse van GLB kans gekry om groen vingers te 'kweek'...
Die 'tuintjies' by die laerskool het die strook tussen die klaskamers en die omheining aan die westekant van die skoolterrein beslaan. Graad vier en vyf leerders het soms alleen of soms met 'n maat of twee, in hul tuintjies gewerk: omgespit, onkruid uitgehaal, klippies gepak om mooi grense te maak, kompos ingewerk en uiteindelik saadjies gesaai. Regtige reëls was daar nie, net 'n verbod om saadjies te saai van plante wat grondlangs rank (dan het jy letterlik in jou bure se slaai gaan krap as jy wou oes...).
Die produkte uit die tuintjies het gewissel van slaai, tamaties, paprika, radyse, spinasie, mielies, wortels, uie en grasuie. Afrikaner-blommetjies was ook baie gewild. Hierdie vars produkte is aan mammas, onderwyseresse en oumas verkoop sodat daar weer nuwe saadjies of kompos gekoop kon word. Pligsgetrou is die tuintjies in pouse-tye onderhou, water is aangedra en peste is verwilder.
Die tuintjie-projek soos dit gou by GLB bekend gestaan het, is eintlik deel van die EBW (Ekonomiese Bestuurswetenskappe) leerplan vir die gr. 4 en 5's. Hier leer hulle van begroting, omset, wins, verlies, vraag en aanbod.
Vroeg in die jaar het die skool kennis gemaak met Mariken. Sy werk vir Pick-n-Pay (PnP) se bemarkingafdeling. Sy het allerhande aktiwiteite en kompetisies wat PnP gedurende 2011 wou loots, aan ons kom bekend stel en sy het sommer ook 'n hele aantal mooi plakkate en ander leerhulpmiddels aan die skool geskenk. Een van die kompetisies was die Dettol-kompetisie. Die skool kon 'n badkamer-oordoen wen; iets wat ons as personeel van GLB vir die dogters se badkamer veral, begeer. Ywerig het die graad 2 en 3's aan die werk gespring met wat by die skool bekend geword het as die kieme-kompetisie. Kort hierna het Mariken ons kom aanmoedig om ook aan die "Grow your life" kompetisie deel te neem.
En dis hier waar die gr. 4 en 5's met hulle groen vingers kon gaan pronk. Die kinders het ekstra hard gewerk om groot, gesonde en indrukwekkende groentes te kweek. Baie ure en sweetdruppels is in die tuine gesteek. Juffrou Henriëtte het 'n pragtige boek gemaak waarin die kinders met hul tuintjies en produkte bekend gestel is. Hierdie boek is ingeskryf in die "Grow your life"-kompetisie - 'n projek wat PnP geloots het om kinders van jongs af te leer dat hulle self vir hulle kos kan kweek met 'n bietjie aanmoediging en hulp van ouers / onderwysers.
Die sluitingsdatum vir die kompetisie het gekom en gegaan en ons het alweer amper daarvan vergeet... tot Mariken ons aan die begin van November skakel en vertel dat ons gr. 4 en 5-klas as een van die 5 landswye wenners aangewys is! Een uit 5 wenners landswyd!! En daar het meer as 2 000 skole aan hierdie kompetisie deelgeneem! En die prys? 'n Hele R 3 000 kontant geskenk deur PnP!
Natuurlik was die 21 leerders van gr. 4 en 5 in die wolke - en met reg. Met nuwe ywer is die tuintjies weer mooi gemaak (bietjie moeilik noudat die meeste groente eintlik al geoes is en daar nie meer nuwes geplant kan word nie, aangesien die skool reeds 9 Desember vir die somervakansie sluit). Op Vrydag 25 November om 11:00 het oom Malcolm, hoof van PnP se bemarking - spesiaal al die pad uit Johannesburg - by die skool aangekom om die prys te oorhandig. Die hele skool was teenwoordig en baie foto's is geneem. Selfs die Tygerburger is genooi om die geleentheid by te woon en foto's te neem (nou hou ons almal die Tygerburger met arendsoë dop - ons is baie nuuskierig oor die artikel en foto wat gepubliseer sal word).
Ons het darem self ook gesorg vir 'n paar kiekies - geniet dit! As onderwyseres en mamma is dit baie spesiaal om betrokke te wees by 'n skool waar ons op klein skaal deelneem en grootskaals wen! Die geld sal aangewend word om 'n besproeiingstelseltjie vir die tuintjies aan te lê en ook om wit tuinhekkies te koop om die tuintjies se grense mooi duidelik te maak.
En hoekom sou ons hierdie blog nou op die Sewevanderlindens se blogspot publiseer? Wel een van die graad 5's is ons eie Wicus - en dis hoeka sy blomkool wat ons een aand geëet het en hy het ook met die idee gekom om 'n gieter te maak van 'n ou 4l-vrugtesapbottel.
Sewevanderlindens groet met darem net so 'n tikkie trots...
N.S. Wie kan sien wat die kids hier doen, graad 4 en 5 leerders en hul gesinne mag nie aan die raaiery deelneem nie...
Behalwe vir groen vingers, het die kinders ook nog vaardigheid geleer in tolletjie brei - ek kan onthou hoe om dit te doen as dit begin is, maar nie meer hoe om te begin nie - dis soos tou spring, "jo-jo's" en albasters. Die ou goed raak weer nuut, jy moet net lank genoeg wag.
Groete :-)
Die 'tuintjies' by die laerskool het die strook tussen die klaskamers en die omheining aan die westekant van die skoolterrein beslaan. Graad vier en vyf leerders het soms alleen of soms met 'n maat of twee, in hul tuintjies gewerk: omgespit, onkruid uitgehaal, klippies gepak om mooi grense te maak, kompos ingewerk en uiteindelik saadjies gesaai. Regtige reëls was daar nie, net 'n verbod om saadjies te saai van plante wat grondlangs rank (dan het jy letterlik in jou bure se slaai gaan krap as jy wou oes...).
Die produkte uit die tuintjies het gewissel van slaai, tamaties, paprika, radyse, spinasie, mielies, wortels, uie en grasuie. Afrikaner-blommetjies was ook baie gewild. Hierdie vars produkte is aan mammas, onderwyseresse en oumas verkoop sodat daar weer nuwe saadjies of kompos gekoop kon word. Pligsgetrou is die tuintjies in pouse-tye onderhou, water is aangedra en peste is verwilder.
Die tuintjie-projek soos dit gou by GLB bekend gestaan het, is eintlik deel van die EBW (Ekonomiese Bestuurswetenskappe) leerplan vir die gr. 4 en 5's. Hier leer hulle van begroting, omset, wins, verlies, vraag en aanbod.
Elke nuwe jaar is die tuintjies maar weer van voor af deur die nuwe gr. 4 en 5's ingedeel, omgespit en ontwikkel. In die proses het die leerders van ingenieuse maniere gebruik gemaak om hul tuintjies nat te lei (nuwe herwinnings-vriendelike gieters het die lig gesien), om van peste ontslae te raak (plant hierdie soort groente in jou tuin, dan pla die molle nie; plant daardie soort blommetjies, dan pla die luise nie ens...) en ook om hul produkte te verkoop (Mamma, wat eet ons vanaand? Mamma weet nog nie! Kyk hierdie pragtige slaai, mamma, kom ons eet dit saam met slapchips vanaand...).
 |
| Nadia het sowaar groen vingers! |
Die tuintjie-projek het ook aan die einde van 2010 uitgebrei met ons eie klein "sandveld" waar ons aartappels geplant het. Die plan was om soveel aartappels te oes dat ons dit aan 'n kinderhuis sou kon skenk. Ongelukkig is ons sandveldjie nog te klein en het ons die aartappel-oes aan Nicole en Sam geskenk (die twee getroue werkers wat ons help om die skoolgebou en -terrein skoon en netjies hou).
En dis hier waar die gr. 4 en 5's met hulle groen vingers kon gaan pronk. Die kinders het ekstra hard gewerk om groot, gesonde en indrukwekkende groentes te kweek. Baie ure en sweetdruppels is in die tuine gesteek. Juffrou Henriëtte het 'n pragtige boek gemaak waarin die kinders met hul tuintjies en produkte bekend gestel is. Hierdie boek is ingeskryf in die "Grow your life"-kompetisie - 'n projek wat PnP geloots het om kinders van jongs af te leer dat hulle self vir hulle kos kan kweek met 'n bietjie aanmoediging en hulp van ouers / onderwysers.
Die sluitingsdatum vir die kompetisie het gekom en gegaan en ons het alweer amper daarvan vergeet... tot Mariken ons aan die begin van November skakel en vertel dat ons gr. 4 en 5-klas as een van die 5 landswye wenners aangewys is! Een uit 5 wenners landswyd!! En daar het meer as 2 000 skole aan hierdie kompetisie deelgeneem! En die prys? 'n Hele R 3 000 kontant geskenk deur PnP!
Natuurlik was die 21 leerders van gr. 4 en 5 in die wolke - en met reg. Met nuwe ywer is die tuintjies weer mooi gemaak (bietjie moeilik noudat die meeste groente eintlik al geoes is en daar nie meer nuwes geplant kan word nie, aangesien die skool reeds 9 Desember vir die somervakansie sluit). Op Vrydag 25 November om 11:00 het oom Malcolm, hoof van PnP se bemarking - spesiaal al die pad uit Johannesburg - by die skool aangekom om die prys te oorhandig. Die hele skool was teenwoordig en baie foto's is geneem. Selfs die Tygerburger is genooi om die geleentheid by te woon en foto's te neem (nou hou ons almal die Tygerburger met arendsoë dop - ons is baie nuuskierig oor die artikel en foto wat gepubliseer sal word).
Ons het darem self ook gesorg vir 'n paar kiekies - geniet dit! As onderwyseres en mamma is dit baie spesiaal om betrokke te wees by 'n skool waar ons op klein skaal deelneem en grootskaals wen! Die geld sal aangewend word om 'n besproeiingstelseltjie vir die tuintjies aan te lê en ook om wit tuinhekkies te koop om die tuintjies se grense mooi duidelik te maak.
En hoekom sou ons hierdie blog nou op die Sewevanderlindens se blogspot publiseer? Wel een van die graad 5's is ons eie Wicus - en dis hoeka sy blomkool wat ons een aand geëet het en hy het ook met die idee gekom om 'n gieter te maak van 'n ou 4l-vrugtesapbottel.
Sewevanderlindens groet met darem net so 'n tikkie trots...
N.S. Wie kan sien wat die kids hier doen, graad 4 en 5 leerders en hul gesinne mag nie aan die raaiery deelneem nie...
Behalwe vir groen vingers, het die kinders ook nog vaardigheid geleer in tolletjie brei - ek kan onthou hoe om dit te doen as dit begin is, maar nie meer hoe om te begin nie - dis soos tou spring, "jo-jo's" en albasters. Die ou goed raak weer nuut, jy moet net lank genoeg wag.
Groete :-)
Comments