En so breek die langverwagte naweek aan... plaas toe! Hierdie naweek is reeds in Maart afgespreek, maar met Herman se Axact Accounting in ons lewens, het hierdie naweek-wegbreek 'n werk-wegbreek ook geword. Herman het saam met Pa mense gaan sien in verband met die begin van eie besigheid en die geleentheid gebruik om sy netwerk van kontakte te versterk. Immers, vandag gaan dit in die eerste plek oor wie jy ken, en daarna oor wat jy kan...
Wat 'n wonderlike gesig het ons begroet toe dit Saterdagoggend begin lig word en die berge rondom Ladismith lê wit van die sneeu! Natuurlik, ons was teen half 10 net mooi veilig op die plaas (na ongeveer vier ure se ry, sonder dat die VW te warm geword het... dit was te vr.. koud daarbuite vir die enjin om warm te word), toe word pa en oupa oortuig dat die Landrover die ding sal doen: sneeu kyk in die Swartberg-pas!
Reg vir aksie? Koes maar, dis Maricia wat gooi en sy is dodelik akkuraat!
Sneeu? Wow! Dis wonderlik, sê Xander
Sien, ek sê mos! Koes!
Sneeuman mog op die voorkap van die Landrover saamry plaas toe, maar het dit ongelukkig nie in een stuk huis toe gemaak nie...
En met die terugkomslag van die sneeu-avontuur, wag die wonderlikste sonsondergang. Ons is baie bevoorreg om deel te mog wees van soveel natuurskoon, op een plek en in een naweek.
Uitsig op Swartberge vanaf Eldorado
En asof dit nie genoeg was om in die sneeu te speel en kort daarna in die son te kon sit en braaivleis hou nie, mog ons ook deel aan die wonder van nuwe lewe op die plaas. Drie klein lammertjies is gebore die nag van Sondag na Maandag. En terwyl pappa en oupa na Knysna toe ry vir besigheid, het die kinders hul verstom aan die werking van die skaapplaas - skape moes gebrandmerk word, stertjies moes afgesny word en, vir die skape die lekkerste..., skape moes gevoer word.
Hierdie lammertjie is 'n week oud en was bietjie te wild vir Jorienke om alleen vas te hou, ousus moes help.
Dit het Xander nie gepla dat die lammertjie liewer uit sy arms wou spring nie, hy het geklou (en gedruk...)
Is dit nie 'n wonderlike sonskyndag nie? As jy die kameralens egter so 'n bietjie na links sou draai, sou jy die dik sneeu op die berge sien! Ongelooflik.
Hierdie is een van die drie lammertjies wat gebore is toe ons op die plaas gekuier het, hier was hy letterlik 'n dag oud. Werklikwaar 'n wonder, hulle word gebore en staan minder as 24 uur later op eie bene!
Tussen alles deur het ons genoeg tyd gehad om heerlik fiets te ry. Aan die einde van ons kuier op die plaas was beide fietse se wiele pap. Nou ja, dit gee oupa iets te doen voor die kleinkinders weer kom kuier!
Sewevanderlindens groet op hierdie hoë noot.
Wat 'n wonderlike gesig het ons begroet toe dit Saterdagoggend begin lig word en die berge rondom Ladismith lê wit van die sneeu! Natuurlik, ons was teen half 10 net mooi veilig op die plaas (na ongeveer vier ure se ry, sonder dat die VW te warm geword het... dit was te vr.. koud daarbuite vir die enjin om warm te word), toe word pa en oupa oortuig dat die Landrover die ding sal doen: sneeu kyk in die Swartberg-pas!
Reg vir aksie? Koes maar, dis Maricia wat gooi en sy is dodelik akkuraat!
Sneeu? Wow! Dis wonderlik, sê Xander
Sien, ek sê mos! Koes!
Sneeuman mog op die voorkap van die Landrover saamry plaas toe, maar het dit ongelukkig nie in een stuk huis toe gemaak nie...
En met die terugkomslag van die sneeu-avontuur, wag die wonderlikste sonsondergang. Ons is baie bevoorreg om deel te mog wees van soveel natuurskoon, op een plek en in een naweek.
Uitsig op Swartberge vanaf Eldorado
En asof dit nie genoeg was om in die sneeu te speel en kort daarna in die son te kon sit en braaivleis hou nie, mog ons ook deel aan die wonder van nuwe lewe op die plaas. Drie klein lammertjies is gebore die nag van Sondag na Maandag. En terwyl pappa en oupa na Knysna toe ry vir besigheid, het die kinders hul verstom aan die werking van die skaapplaas - skape moes gebrandmerk word, stertjies moes afgesny word en, vir die skape die lekkerste..., skape moes gevoer word.
Is dit nie 'n wonderlike sonskyndag nie? As jy die kameralens egter so 'n bietjie na links sou draai, sou jy die dik sneeu op die berge sien! Ongelooflik.
Sewevanderlindens groet op hierdie hoë noot.
Comments