Lank lewe die papierkompetisie!
Elke kwartaal hou GLB papierkompetisie - ons samel ou papier in wat vir herwinning gebruik kan word. Elke kwartaal is die kompetisie anders saamgestel en is die prys waarvoor gewerk en gekompeteer word, verskillend. Vir die derde kwartaal van 2012 was die kompetisie in klasverband. Dus het graad 6 en 7 kragte saamgespan en as oorwinnaars uit die stryd getree! Die prys? 'n Piekniek by Urban Park in Groenpunt.
Op Woensdag 26 September het ons dan so gemaak, 4 karre volgelaai met jongmense en piekniekpakkies, het die N1 rigting Kaapstad aangedurf. Ons sou eers Donderdag die 27ste gaan, maar danksy akkurate weervoorspelling van yr.no het ons dit 'n dag vervroeg - en ook maar goed ook. Dit was steeds nie juis stralende weer nie, maar droog en windstil, wat meer kan 'n mens vra as jy in die Kaap woon en dis nog maar September?
Die kinders het hulself met hul rugby-, sokker- en netballe vermaak en ook ondersoek gaan instel na die plantegroei in die park en die baie interessante klim- en speelapparaat aan die ander kant van die park. Intussen het die mammas en juffrou lekker gesit en gesels met koffie en 'n stukkie melktert om die piekniek-idee af te rond.
Die piekniekpakkies was gevul met lekkernye en die koeldrank het welkome lafenis gebring. Baie dankie aan juffrou Anita van GLB wat die piekniek gereël het en tannies Annelies, Annette en Karin wat saamgery het om "juffrou" Elsbeth met vervoer te help en geselskap te hou.
Welgedaan graad 6 en 7 met die 1.8 ton ou papier wat ingesamel is. Dis heelwat bome wat hopelik nie afgekap hoef te word nie...
Elke kwartaal hou GLB papierkompetisie - ons samel ou papier in wat vir herwinning gebruik kan word. Elke kwartaal is die kompetisie anders saamgestel en is die prys waarvoor gewerk en gekompeteer word, verskillend. Vir die derde kwartaal van 2012 was die kompetisie in klasverband. Dus het graad 6 en 7 kragte saamgespan en as oorwinnaars uit die stryd getree! Die prys? 'n Piekniek by Urban Park in Groenpunt.
Op Woensdag 26 September het ons dan so gemaak, 4 karre volgelaai met jongmense en piekniekpakkies, het die N1 rigting Kaapstad aangedurf. Ons sou eers Donderdag die 27ste gaan, maar danksy akkurate weervoorspelling van yr.no het ons dit 'n dag vervroeg - en ook maar goed ook. Dit was steeds nie juis stralende weer nie, maar droog en windstil, wat meer kan 'n mens vra as jy in die Kaap woon en dis nog maar September?
Die kinders het hulself met hul rugby-, sokker- en netballe vermaak en ook ondersoek gaan instel na die plantegroei in die park en die baie interessante klim- en speelapparaat aan die ander kant van die park. Intussen het die mammas en juffrou lekker gesit en gesels met koffie en 'n stukkie melktert om die piekniek-idee af te rond.
Die piekniekpakkies was gevul met lekkernye en die koeldrank het welkome lafenis gebring. Baie dankie aan juffrou Anita van GLB wat die piekniek gereël het en tannies Annelies, Annette en Karin wat saamgery het om "juffrou" Elsbeth met vervoer te help en geselskap te hou.
Welgedaan graad 6 en 7 met die 1.8 ton ou papier wat ingesamel is. Dis heelwat bome wat hopelik nie afgekap hoef te word nie...
 |
| Graad 6 en 7 2012 Urban Park Groenpunt Woensdag 26 September Agterste ry vlnr: Juan G., Tiaan O., Brigine B., Elizna M., Anika J., Annelies G., Riana dM., Marianne vR., Carla L., Johanka B.,Middelste ry vlnr: Wicus vdL., Marius R., Azola K-H., Arno vdV., Marco vR., Tiaan dW.,Voorste ry vlnr: Tineke M., Corine M., Anine M. en Hanli A. |
Comments