Eisteddfod-stories
Hierdie week was baie besig, so na die langnaweek. Bellville Hoërskool se Gemengde koor het Donderdag deelgeneem aan die Helderberg Eisteddfod, hiervoor het hulle dubbel cum laude verwerf. Ek verstaan nie lekker nie... Cum laude is veronderstel om met hoogste lof, beter kan nie, met hoogste onderskeiding te beteken. Dubbel cum laude dan??? Ek verstaan egter wel dat dit 'n baie mooi erkenning is van die skoolkoor se harde werk en die opofferings van die leerders. Dus, welgedaan, Maricia en BHS se koor!
Xander het deelgeneem aan die Internasionale Tygerberg Eisteddfod, hy het die gedig "Koot se tand val uit" voorgedra. En met sy onlangse ervaring van eerste tand wat uit is en die tandemuis se briefie aan hom, was dit die perfekte gedig. Hy het wel vannag wakker geword omdat sy maag seer is, maar toe ons vra of hy bietjie bekommerd is oor die gediggie voordra, was sy baie besliste antwoord: "Nee!". Hy het baie oulik voorgedra en was een van 15 jong kunstenaartjies. Die beoordelaar het hom met 94% beloon en ook oulike kommentaar op sy vormpie geskryf.
Intussen het die ander kinders ook aan hul eie aktiwiteite deelgeneem, Herno het gister hokkie gespeel - 2-0 verloor, maar 'n pragtige wedstryd gespeel. Hulle was baie op die verdediging, die ander span het hul eie 'astro-baan" by die skool en was duidelik baie beter. Maar hulle het sowaar nie die oorwinning op 'n skinkbord gekry nie. Vandag mag hy saam 'n groepie vriende Leeukop uitklim - dis wat 16-jariges doen as hulle mekaar se verjaarsdag vier... Vir die pret!?!? Maar hulle word geseën met 'n pragtige wintersdag.
Maricia was vanoggend aan die beurt met haar interskole hokkiewedstryd, ook op astro. En het hierdie 0/14 meisies nie gespeel nie. Puik wedstryd met 'n gelyk-op einde 1 elk. Maricia het die doel aangeteken en dit was sommer 'n baie mooi stukkie spanwerk tussen die speelsters. Maar ek was baie baie dankbaar en trots dat ons meisiekind, met eintlik net een hand op die hokkiestok!, hierdie pragtige lopie vir haar span kon afsluit met 'n spektakulêre doelpunt, hoog bo in die linkerhoekie van die doelboks!
Wicus en sy sokkerspan het hul aartsvyand aangepak, wel 4-1 verloor, maar so lekker gespeel. Hulle was vir 'n slag nie koud en nat van die weer nie, maar warm en nat van die speel aan die einde van die wedstryd.
Jorienke het haar sosiale talente uitgeleef en lekker 'n verjaarsdagpartytjie bygewoon. Hulle is oud genoeg om afgelaai te word en dan word daar speletjies gespeel en rondgehardloop. Ons het die mooiste, strakhelder blou lug, koue sonskynweer (is dit moontlik?) en dit was sommer vir almal goed om buite te wees.
Ek sluit hierdie blog af met Xander se gedig: geniet dit!!
Ma! Ma! Kom help! roep kleine Koot
Hier sit my tand in my snytjie brood!
Mamma moet my na die tandarts toe vat
dat hy dit weer vas kan plak!
Toemaar, Koot, jy kan maar jou neusie snuit
daar loer die splinternuwe tand reeds uit!
Gaan sit die tandjie in jou skoen
dan sien jy wat die muis gaan doen!
(Mart Meij)
Hierdie week was baie besig, so na die langnaweek. Bellville Hoërskool se Gemengde koor het Donderdag deelgeneem aan die Helderberg Eisteddfod, hiervoor het hulle dubbel cum laude verwerf. Ek verstaan nie lekker nie... Cum laude is veronderstel om met hoogste lof, beter kan nie, met hoogste onderskeiding te beteken. Dubbel cum laude dan??? Ek verstaan egter wel dat dit 'n baie mooi erkenning is van die skoolkoor se harde werk en die opofferings van die leerders. Dus, welgedaan, Maricia en BHS se koor!
Xander het deelgeneem aan die Internasionale Tygerberg Eisteddfod, hy het die gedig "Koot se tand val uit" voorgedra. En met sy onlangse ervaring van eerste tand wat uit is en die tandemuis se briefie aan hom, was dit die perfekte gedig. Hy het wel vannag wakker geword omdat sy maag seer is, maar toe ons vra of hy bietjie bekommerd is oor die gediggie voordra, was sy baie besliste antwoord: "Nee!". Hy het baie oulik voorgedra en was een van 15 jong kunstenaartjies. Die beoordelaar het hom met 94% beloon en ook oulike kommentaar op sy vormpie geskryf.
Intussen het die ander kinders ook aan hul eie aktiwiteite deelgeneem, Herno het gister hokkie gespeel - 2-0 verloor, maar 'n pragtige wedstryd gespeel. Hulle was baie op die verdediging, die ander span het hul eie 'astro-baan" by die skool en was duidelik baie beter. Maar hulle het sowaar nie die oorwinning op 'n skinkbord gekry nie. Vandag mag hy saam 'n groepie vriende Leeukop uitklim - dis wat 16-jariges doen as hulle mekaar se verjaarsdag vier... Vir die pret!?!? Maar hulle word geseën met 'n pragtige wintersdag.
Maricia was vanoggend aan die beurt met haar interskole hokkiewedstryd, ook op astro. En het hierdie 0/14 meisies nie gespeel nie. Puik wedstryd met 'n gelyk-op einde 1 elk. Maricia het die doel aangeteken en dit was sommer 'n baie mooi stukkie spanwerk tussen die speelsters. Maar ek was baie baie dankbaar en trots dat ons meisiekind, met eintlik net een hand op die hokkiestok!, hierdie pragtige lopie vir haar span kon afsluit met 'n spektakulêre doelpunt, hoog bo in die linkerhoekie van die doelboks!
Wicus en sy sokkerspan het hul aartsvyand aangepak, wel 4-1 verloor, maar so lekker gespeel. Hulle was vir 'n slag nie koud en nat van die weer nie, maar warm en nat van die speel aan die einde van die wedstryd.
Jorienke het haar sosiale talente uitgeleef en lekker 'n verjaarsdagpartytjie bygewoon. Hulle is oud genoeg om afgelaai te word en dan word daar speletjies gespeel en rondgehardloop. Ons het die mooiste, strakhelder blou lug, koue sonskynweer (is dit moontlik?) en dit was sommer vir almal goed om buite te wees.
Ek sluit hierdie blog af met Xander se gedig: geniet dit!!
Ma! Ma! Kom help! roep kleine Koot
Hier sit my tand in my snytjie brood!
Mamma moet my na die tandarts toe vat
dat hy dit weer vas kan plak!
Toemaar, Koot, jy kan maar jou neusie snuit
daar loer die splinternuwe tand reeds uit!
Gaan sit die tandjie in jou skoen
dan sien jy wat die muis gaan doen!
(Mart Meij)
Comments