Waar is Pappa? Kantoor toe!
Dis hoe dit die laaste 2 maande by ons klink. As die kinders pappa soek, dan is pappa nie meer werk toe nie, maar kantoor toe.
Ons het intussen 'n hele ent gevorder met die kantoor-skuiwery. Herman kon Woensdag, 5 Oktober, sy kantoor na die nuwe "perseel" skuif. Die buitekamer is 95% klaar uitgeverf, die rakke is in die proses van maak-pas en die tuin is in wording. Of anders gestel: die deurkosyn en deur moet nog geverf word, die rakke moet nog op regte lengte en hoogte vasgeskroef word en die gras moet nog klaar geplant word (gister het ons 80 van die 240 grasplantjies geplant, more DV die res voordat dit waarskynlik Dinsdag reën).
Soos belowe, hiermee dan die nuutste foto's om 'n beter idee te kan kry hoe dinge nou verander het. Vir dié van julle wat ons agtertuin al gesien het, ons hoop die verskil is baie ooglopend. Vir dié wat die agtertuin nie ken nie, geniet die foto's in elk geval... DV mag ons oor 'n paar maande nuwe foto's stuur van groen grasperke en bloeiende krismisrose. Sewevanderlindens groet met dankbare harte.
Dis hoe dit die laaste 2 maande by ons klink. As die kinders pappa soek, dan is pappa nie meer werk toe nie, maar kantoor toe.
Ons het intussen 'n hele ent gevorder met die kantoor-skuiwery. Herman kon Woensdag, 5 Oktober, sy kantoor na die nuwe "perseel" skuif. Die buitekamer is 95% klaar uitgeverf, die rakke is in die proses van maak-pas en die tuin is in wording. Of anders gestel: die deurkosyn en deur moet nog geverf word, die rakke moet nog op regte lengte en hoogte vasgeskroef word en die gras moet nog klaar geplant word (gister het ons 80 van die 240 grasplantjies geplant, more DV die res voordat dit waarskynlik Dinsdag reën).
Soos belowe, hiermee dan die nuutste foto's om 'n beter idee te kan kry hoe dinge nou verander het. Vir dié van julle wat ons agtertuin al gesien het, ons hoop die verskil is baie ooglopend. Vir dié wat die agtertuin nie ken nie, geniet die foto's in elk geval... DV mag ons oor 'n paar maande nuwe foto's stuur van groen grasperke en bloeiende krismisrose. Sewevanderlindens groet met dankbare harte.
 |
| Vanuit die kombuisdeur geneem, die muur is oos, die oranje emmer is die bêreplek vir die sandputspeelgoed |
 |
| Die paadjie (in wording) na die deur van die kantoor |
 |
| Herman se verjaarsdaggeskenk, op die agterstoep by die kombuisdeur, nou moet die weer net mooi raak... |
 |
| Kantoor, ruim genoeg vir alles - selfs 'n besoekersstoel |
 |
| Badkamertjie by die kantoor, die oranje was die verkeerde kleur vir die badkamer in die huis, toe gebruik Herman dit maar by Axact Accounting se kantore... Hup Holland Hup! |
 |
| Jorienke is in haar noppies met haar eie kamer. sy speel 'n hond uit die bos uit... en dit is 'n voorreg om toegelaat te word in haar kamer, Wicus! |
Comments