Ons het hierdie maand baie aktiwiteite op die skoolkalender gehad om af te handel. Toe ons aan die begin van die kwartaal die skoolkalender opstel, het ek nogals gedink, wow, dis 'n baie besige September wat vir ons wag.
Ons is nou alreeds verby die helfte van die negende maand van die jaar 2011, en die kalender word danig korter. Daar by om die eerlike waarheid te sê, nog net 'n paar items oor: rapporte klaar, oueraand en dan sluit die skool op 30 September, die langste kwartaal van die jaar is dan ook weer verby.
Die volgende groot gebeurtenis op die program, was die gr. 6 en 7's se entrepreneursdag. Elke jaar moet die senior klas van die skool 'n entrepreneursdag reël. Hierdie jaar het die leerders besluit om al hul winste saam te gooi om daarmee 'n ekstra nag by die veldskool te kan betaal. Dit beteken dat hulle einde van die jaar 5 nagte in plaas van die beplande 4 in die Sederberge sal oornag. Dis eintlik baie mooi, dis ver ry Sederberge toe, dit maak dit wel baie meer die moeite werd vir die ouers wat ry en die brandstof uit eie sak betaal. In die Sederberge leer die kinders alles oor arende, die Kaapse luiperd en ook oor skerpioene (kyk gerus na die webbladsy van die Cape Leopard Trust). Die leerders het op ongeveer R350 na, amper die teiken van R2900 bereik!! 'n Pragtige voorbeeld van samewerking-en-ontwikkeling. Maricia was in 'n groepie met 2 seuns, en saam het hulle die stalletjie "Go Nuts" beman, hulle het neute en biltong van oupa se plaas verkoop, droë wors en tuisgemaakte crunchie-koekies. Hulle het ook skyfskief en foosball (sokkertafel van Jacobus) aangebied as aktiwiteite. Hulle het 'n allemintige R530 wins gemaak. Baie geluk, Maricia, Jacobus en Tiaan!
Derde groot aktiwiteit het ons vandag met welslae afgehandel - die wintersportdag. Ons was geseën met 'n pragtige stralende wintersdag, die sonnetjie het lekker gesteek en die windjie het gekeer dat ons te warm kry. Ons mog die sportvelde van Bellville Hoërskool gebruik, wat die dag 'n baie professionele kleur gegee het. Vier netbal-, 2 sokker-, 3 hokkie- en 2 handbalwedstryde het die oggend van half nege tot half een volgemaak. Maricia en Wicus was betrokke by 'n hokkiewedstryd elk, Maricia ook by netbal en Wicus ook by sokker. Omdat ek self die 2 senior netbalspannetjies afrig, het ek nie Wicus se sokkerwedstryd gesien nie, maar hulle was lekker aan die rol met 'n 3-0 oorwinning. Ek was bevoorreg om skeidsregter te wees (een van die 2) by Maricia se netbalwedstryd - dit was 'n pragtige wedstryd waar die meisies teen ongelooflike spoed gespeel het en pragtige, vloeiende netbal ten toon gestel het. Hulle het dan ook met 'n welverdiende 17-4 geseëvier. Ook by die hokkie het Maricia en Wicus hul teenwoordigheid laat voel - Maricia het 'n pragtige hou geslaan buite die doelsirkel, wat vernuftig deur haar spanmaat Carla in die doelhok ingetik is. Wicus het 'n goeie aanval geloots en was gelukkig toe die bal teen die opponent se voet afgeskiet het en in die doelhok ingerol het. 1-0 vir beide wedstryde!
Ons is nou alreeds verby die helfte van die negende maand van die jaar 2011, en die kalender word danig korter. Daar by om die eerlike waarheid te sê, nog net 'n paar items oor: rapporte klaar, oueraand en dan sluit die skool op 30 September, die langste kwartaal van die jaar is dan ook weer verby.
Ons het die maand September afgeskop met die graad 7's se Kultuurfees. Maricia is in gr. 7 hierdie jaar, dus daar was groot betrokkenheid en opgewondenheid. Ons het die kerksaal versier in die tema "Suid-Afrika teen Nederland". Ons verversings was ook in hierdie tema: daar was worsbroodjies en "broodje kroket" te koop vir 'n ligte aandete en na afloop van die fees, was daar tee of koffie met 'n koeksister of "sprits"-koekie. Die aanwesiges het dit baie geniet - tradisionele items op die program was natuurlik die gediggies en klavierstukke wat die leerders vir die Internasionale Eisteddfod moes oefen. Verder het ballet, viool, dwarsfluit, orrel, solosang en die 2 items van die gr. 7's die program gou volgemaak. Maricia-hulle het in plaas van die idome-uitbeeld wat meestal gedoen word, besluit om gelykenisse uit die Bybel uit te beeld. Die mense het gou geraai! En dan om die gees vir die aand reg te kry: het die graad 7's voor gaan staan en lekker Nederlandse en Afrikaanse volksliedjies gesing. En voor 'n mens kon keer, het die gehoor saamgesing (soos dit eintlik ook die bedoeling was...)
 |
| v.r.n.l. Maricia, Monika, Leandré en Carla na hul deelname aan die Tygerbergse Internasionale Eisteddfod |
Die volgende groot gebeurtenis op die program, was die gr. 6 en 7's se entrepreneursdag. Elke jaar moet die senior klas van die skool 'n entrepreneursdag reël. Hierdie jaar het die leerders besluit om al hul winste saam te gooi om daarmee 'n ekstra nag by die veldskool te kan betaal. Dit beteken dat hulle einde van die jaar 5 nagte in plaas van die beplande 4 in die Sederberge sal oornag. Dis eintlik baie mooi, dis ver ry Sederberge toe, dit maak dit wel baie meer die moeite werd vir die ouers wat ry en die brandstof uit eie sak betaal. In die Sederberge leer die kinders alles oor arende, die Kaapse luiperd en ook oor skerpioene (kyk gerus na die webbladsy van die Cape Leopard Trust). Die leerders het op ongeveer R350 na, amper die teiken van R2900 bereik!! 'n Pragtige voorbeeld van samewerking-en-ontwikkeling. Maricia was in 'n groepie met 2 seuns, en saam het hulle die stalletjie "Go Nuts" beman, hulle het neute en biltong van oupa se plaas verkoop, droë wors en tuisgemaakte crunchie-koekies. Hulle het ook skyfskief en foosball (sokkertafel van Jacobus) aangebied as aktiwiteite. Hulle het 'n allemintige R530 wins gemaak. Baie geluk, Maricia, Jacobus en Tiaan!
Derde groot aktiwiteit het ons vandag met welslae afgehandel - die wintersportdag. Ons was geseën met 'n pragtige stralende wintersdag, die sonnetjie het lekker gesteek en die windjie het gekeer dat ons te warm kry. Ons mog die sportvelde van Bellville Hoërskool gebruik, wat die dag 'n baie professionele kleur gegee het. Vier netbal-, 2 sokker-, 3 hokkie- en 2 handbalwedstryde het die oggend van half nege tot half een volgemaak. Maricia en Wicus was betrokke by 'n hokkiewedstryd elk, Maricia ook by netbal en Wicus ook by sokker. Omdat ek self die 2 senior netbalspannetjies afrig, het ek nie Wicus se sokkerwedstryd gesien nie, maar hulle was lekker aan die rol met 'n 3-0 oorwinning. Ek was bevoorreg om skeidsregter te wees (een van die 2) by Maricia se netbalwedstryd - dit was 'n pragtige wedstryd waar die meisies teen ongelooflike spoed gespeel het en pragtige, vloeiende netbal ten toon gestel het. Hulle het dan ook met 'n welverdiende 17-4 geseëvier. Ook by die hokkie het Maricia en Wicus hul teenwoordigheid laat voel - Maricia het 'n pragtige hou geslaan buite die doelsirkel, wat vernuftig deur haar spanmaat Carla in die doelhok ingetik is. Wicus het 'n goeie aanval geloots en was gelukkig toe die bal teen die opponent se voet afgeskiet het en in die doelhok ingerol het. 1-0 vir beide wedstryde!
 |
| Graad sewe-netbalspan voor die wedstryd |
Die sportdag bied ons jaarliks die kans om 'n bietjie ons standaarde te meet, alhoewel ons slegs teen Hebron Christenskool speel - hulle is ook maar 'n klein privaatskool. Hierdie jaar het hulle 90 leerders van gr.1 tot 7, teenoor ons 64 van gr. 1 tot 7. Dit gaan egter alles in baie goeie gees en die kinders geniet baie van hierdie aktiwiteit - dus is dit die organisasie en harde werk werd.
Intussen was daar nog 'n geslaagde bosberaad van die skoolbestuur met personeel, daar was 'n baie insiggewende praatjie oor selfbeeld deur 'n opvoedkundige sielkundige en ook 'n uiters leersame netbalwerkswinkel wat oor 3 Saterdae versprei is. Alles by alles, 'n besige en voorspoedige September. Om eerlik te wees, sien ek en die kinders almal nou baie uit na die wekie vakansie wat ons aan die begin van Oktober kry. Hopelik kan ons teen daardie tyd ook die interne verhuising afhandel - daaroor meer 'n ander keer.
Sewevanderlindens groet met hierdie inspirerende woorde: If you dream big or if you dream small, it takes the same effort... so why not dream big?
Comments